1- زيت الفتيس لابد من الكشف على مستواه وحالته بإنتظام لانة لو اققل من علامة L لابد من تزويدة ولو بينقص بإنتظام لابد من معرفة السبب ولون زيت الفتيس الجيد بيكون أحمر أو وردي لو لونه بيميل إنه يبقى بني أو محروق فلابد من تغييرة
2- إستخدم نوع الزيت المناسب لعربيتك : وده اللي بينصح بيه مصنع العربية، عدم إستخدام النوع المناسب بيكون سبب مشاكل كتير بالذات في بعض الموديلات الحديثة.
3- إتأكد إن الزيت اللي جاي في العربية من برة : (لو العربية تقفيل برة) مناسب للبلد اللي هتستخدم فيها العربية، لأنه لو غير مناسب للبلد التي سيتم تشغيل السيارة بها سيتسبب في مشاكل كثيرة . الفتيس الاوتوماتيك 4- لابد من اجراء الصيانة الدورية و مراجعة الكتالوج الخاص بالسيارة ومعرفة مواعيد الصيانة الدورية للفتيس لأن في الصيانة بيتم الكشف على خزنة الزيت للتأكد إنه لا يوجد بها رايش الناتج عن الاحتكاك مما يطيل عمر الفتيس و لابد ايضا الاهتمام بتغيير فلتر الزيت الخاص بالفتيس في مواعيدة .
5- في حالة الجر لو إضطررت لجر عربية تأكد إنها مش أكتر من الحمولة القصوى الموجودة في دليل المستخدم، وحتى لو في نطاق الحمولة القصوى تكرار هذة العملية يقصر عمر الفتيس لأن الجر يزيد الحمل على الفتيس ويرفع درجة حرارته بصورة كبيرة مما ينتج عنة تأكسد الزيت .
6- في حالة الانتقال من "D" الي "R" أو العكس تأكد إن العربية وقفت تماماّ قبل ما تقوم بالنقلة، لأنك لو نقلت لعكس الإتجاه قبل العربية ما تقف بشكل كامل ستقوم بتدمير التروس وأجزاء اخري وتكلفة الإصلاح ستكون باهظة .
7- في حالة الركن خصوصا علي الطرق المنحنية لابد من رفع فرامل اليد اولا قبل الانتقال لل "P" لتحميل وزن العربية على الفرامل و ليس على الفتيس لانة في حالة التحميل علي الفتيس سيتلف مع مرور الوقت.
